ڈھاکہ(نیوزڈیسک) بنگلہ دیش نے پاکستانی وزیرخارجہ اسحاق ڈار کے دعوے کی تردید کرتے ہوئے کہا ہے کہ یہ اسٹریٹجک طور پر ممکن ہے کہ ڈھاکا علاقائی بلاک میں پاکستان کے ساتھ کسی مرحلے پر شامل ہو اور اس بلاک میں بھارت کی شمولیت نہ ہو جبکہ دوسرے جنوبی ایشیائی ممالک کے لیے ایسا ممکن نہیں. بنگلہ دیش کے سرکاری خبر رساں ادارے کی رپورٹ کے مطابق بنگلہ دیش کے مشیر برائے امور خارجہ محمد توحید حسین کہا ہے کہ ہمارے لئے اسٹریٹجک طور پر یہ ممکن ہے کہ ہم پاکستان کے ساتھ علاقائی سطح پر کسی اتحاد میں شامل ہو اور اس میں بھارت موجود نہ ہو، لیکن نیپال یا بھوٹان کےلئے بھارت کو شامل کیے بغیر پاکستان کے ساتھ کوئی گروپنگ بنانا ممکن نہیں.
بنگلہ دیشی ذرائع ابلاغ کے مطابق محمد توحید حسین نے وزیر خارجہ پاکستان اسحاق ڈار کے حالیہ بیان کے حوالے سے کہا کہ انہوں نے جو کچھ کہا ہے شاید کسی وقت اس میں کچھ پیش رفت بھی ہو سکتی ہے وزیر خارجہ اسحاق ڈار نے کہا تھا کہ بنگلہ دیش، چین اور پاکستان پر مشتمل ایک تین ملکی پیش رفت شروع ہوچکی ہے اور یہ علاقائی و غیر علاقائی ممالک تک پھیل سکتی ہے. واضح رہے کہ رواں سال اگست میں وزیر خارجہ ڈار نے 13 سال بعد پہلی بار بنگلہ دیش کا دورہ کیا تھا وزیراعظم شہباز شریف اور بنگلہ دیش کے چیف ایڈوائزر محمد یونس کے درمیان بھی حالیہ مہینوں میں دو خوشگوار ملاقاتیں ہوچکی ہیں.